ميريام سپيطيري ديبونو
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
ميريام سپيطيري ديبونو
| ||
| معلومات عامة | ||
| زيادة | 25 أكتوبر 1952 (72 عام) ڤيكطوريا | |
| لجنسية | مالطا | |
| لحرفة | عدول و سياسية | |
| معلومات خرى | ||
| لحيزب | حزب العمال | |
ميريام سپيطيري ديبونو (ب لحروف اللاتينية: Myriam Spiteri Debono) (تزادت ف 25 أكتوبر 1952) هي سياسية مالطية، و الرايس رقم 11 و لحالي ديال مالطا. هي أول مرا من ݣوزو لي تنتاخبات ف هاد لمنصيب. ديبونو كانت لمتكلمة د دار لمومتيلين د مالطا (Speaker tal-Kamra tad-Deputati ta' Malta)، من 1996 ل 1998، هي أول مرا خدات هاد لمنصيب عاوتاني.[1][2]
سپيطيري ديبونو تولدات ب سمية ميريام زاميت - Miriam Zammit ف ڤيكطوريا، ݣوزو.[3] خدات التعليم لبتيدائي ف ݣوزو و دخلات لكولية مالطا فين قرات لأدب النݣليزي و اللسانيات، تخرجات ف عام 1973، و صايبات لتيحاد د التلامد الشتيراكيين. زيد قرات لقانون و تخرجات كا نوطيرا پوبليك عام 1980.[4]
أول منصيب د لبيرو پوبليك خداتو كان منصيب رايسة مجلس التعاونيات، و كا عضو مؤسيس ف لجنة لموساواة بين الجنسين.
كانت مترشحة ف حزب لعمال لمالطي ف 5 د النتيخابات لعامة (1981، 1987، 1992، 1996، 2003)، و لايني عمرها ما تنتاخبات كا عضو ف لبرلامان.[5] وخا هاكداك، تنتاخبات كا إكزيكوتيڤ د لحزب ف عام 1982 و خدمات كا سكريطيرة د لپروپاݣانضا د لحزب.
ديبونو خدمات كا رايسة د حزب لعمال ف قسم النسا بين 1993 و 1996.
ف شتنبر 1996، تنصبات من عند لوزير اللول آلفريد سانت كا متكلمة ب سمية دولة مالطا ف دار لمومتيلين.[6] كانت أول مرا مالطية خدمات ف هاد لمنصيب و جا فبلاصتها آنطون طابوني ف أكتوبر 1998.
ف يناير 2023، ديبونو تعرضات ل منصيب لمكلفة ب السطونضار من عند لحزب لقومي، مي رفضات يرشحوها حيت شافت راسها مامناسباش و مامهتماش ب هاد لمنصيب.
ديبونو مجوجة ب أنطوني سپيطيري ديبونو، و عندهم 3 د لولاد، جورج، هيلينا و كريستينا.[7]
ف 21 مارس 2024، تّعلن بلي غاتكون متسابقة لولانية ل لمنصيب د الرايس د جمهورية مالطا. ف السيمانات لي موراها، هادشي تكونفيرما بصح ف واحد لبيان مشتارك جا من عند لبيرو د لوزير اللول و الزعيم د لمعارضة.
دار لمومتيلين د مالطا صوتو ب ليجماع باش ينتاخبو سپيطيري ديبونو كا الرايس (رايسة) نمرة 11 د مالطا ف 27 مارس 2024، هادشي لي خلاها تكون أول رايس تنتاخب مور ليصلاحات الدستورية الجديدة د 2020، معا الشرط الجديد لمتجسد ف لموافقة د تلتين لبرلامان على لمترشح الرياسي.[8]
ديبونو هي تالت مرا خدمات كا رايسة د مالطا، بعد من آݣاطا باربارا و ماري لوويز كولييْرو پريكا. عاوتاني هي تالت شخص من ݣوزو تنصب ل هاد لخدمة، بعد من آنطون بو دجاج و تشينسو طابوني.
ديبونو بدات ف لمنصيب ديالها ف 4 أبريل 2024.
ف لوقيتة د التنصيب ديالها، ݣرّات بلي هي طيكنوفوب؛ و عندها غير واحد لپورطابل كايتطوا و حاطة آسيسطو يقابل ليها لميساجات، و مخلية لادريسة د الإيمايل ديالها عند راجالها يتكلف بيها.
- ^ "Who is Myriam Spiteri Debono, the former Speaker set to become the next President?".
- ^ "Speaker of the House - Hon. Myriam Spiteri Debono".
- ^ "Min hi Myriam Spiteri Debono?" (ب المالطية). 2024-03-26.
- ^ "Min hi Myriam Spiteri Debono?" (ب المالطية). 2024-04-04.
- ^ "Redemption, representation, maturity: The principles that Myriam Spiteri Debono wants to stand for" (ب نڭليزية). 2024-04-07.
- ^ "So far, the Maltese parliament has had only one female Speaker, when Myriam Spiteri Debono was appointed in 1996". 2013-12-03.
- ^ "Notary Myriam Spiteri Debono is Malta's third female President and third Gozitan president" (ب نڭليزية). 2024-03-28.
- ^ "What do they think of Myriam Spiteri Debono?" (ب نڭليزية). 2024-03-31.